ULERMENERAKO IRAKASKUNTZA

Ulermenerako Irakaskuntza Harvard Unibertsitateko Project Zero-ren metodologia bat
da. Ulermenerako irakaskuntza adimenaren izaera, ulermena, pentsamendua, sormena,
etika bezalakoetan eta gizakiarentzako oinarrizkoak diren beste alderdi batzuen
ikerketaren diseinuan oinarritzen da.
Ardatz nagusia ulertzea da. Ulertzea ikaskuntza intelektual hutsa baino harantzago doan
prozesua da enpatia, identifikazioa eta proiekzioa behar delako, etengabeko ikaskuntza
prozesu batean irekitasuna, tolerantzia, sinpatia eta zintzotasuna dakarrena. Ulermen
hori lotzeko, praktikari garrantzia handia ematen diote.
Helburu nagusia etengabe aldatzen ari den gizarte honek planteatzen dituen erronkei
aurre egiteko gai diren ikasleak heztea da. Aldi berean, gizarte bidezkoagoa eta
berdintsuagoa eraikitzearen alde lan egiten duten pertsonak lortu nahi dituzte.
Proiektu honen bidez irakasleek bi galdera planteatzen dizkiete haien buruari: Zer esan
nahi du zerbait ulertzeak? Zein motatako ikasketek, ikaskuntza esperientziek eta
ebaluazioek laguntzen diete ikasleei haien ulermenaren garapenean? Metodologia
honen bidez lortu nahi dena, ingurune ezezagunetan ikasleek ezagutza malgutasuna
izatea da.

Nola irakasten dute?
Azterketak eta liburuak alde batera utzita zeharkako proiektuen bidez egiten da lan.
Ariketa erabilgarri, dinamiko eta entretenigarrien bidez ikasten da eta informazioa bilatu,
bidezko galderak egin eta ondorioak ateratzen dira.
Kasu batzuetan salbuespenak egongo dira eta irakasleek ahoz zein idatziz azterketak
egingo dituzte ikasleek izandako hobekuntza aztertzeko helburuarekin. Ohiko eskoletan
ez bezala, azterketek balio gutxi izango dute azken balorazioan.